Baldızının 5 yaşlı qızına sataşan şəxsə 15 il cəza istəndi

Bu gün Bakı Ağır Cinayətlər Məhkəməsində 5 yaşlı qıza seksual xarakterli hərəkətlər etməkdə təqsirli bilinən Bakı şəhər sakini Zaur Məmmədovun cinayət işi üzrə məhkəmə prosesi keçirilib.

Vətəninfo.az-ın Virtualaz.org-a istinadən əldə etdiyi xəbərə görə, prosesə hakim Əhməd Quliyev sədrlik edib.

Prosesdə dövlət ittihamçısı çıxış edərək Zaur Məmmədovun 15 il müddətinə azadlıqdan məhrum edilməsini istəyib.

Məhkəmə prosesi oktyabrın 9-a kimi təxirə salınıb.

Qeyd edək ki, hadisə Xətai rayonunda baş verib. Zaur Məmmədov qonşuluqda yaşayan bacanağının 5 yaşlı qızı Xatirəyə (ad şərtidir-red) dəfələrlə seksual xarakterli hərəkətlər edib.

Uşağın valideynləri hadisədən xəbər tutandan sonra polisə müraciət ediblər. Polisin əməliyyat-axtarış tədbirləri nəticəsində Z.Məmmədov həbs edilib.

Ona Cinayət Məcəlləsinin 150.3.3-cü (təqsirkar şəxs üçün aşkar surətdə 14 yaşına çatmayan şəxs barəsində törədildikdə) maddəsi ilə cinayət işi başlanıb.