Bədəninə 220 ölkənin bayrağını döydürdü - FOTO

Hindistanın 67 yaşlı sakini Ginnes Rişi növbəti dəfə Ginnesin rekordlar kitabına düşmək qərarına gəlib.

AzərTAc Billionnews.ru saytına istinadla xəbər verir ki, bunun üçün o, bədəninə bütün dünya ölkələrinin bayrağını həkk etdirib. Bədənində 220 bayraq əks olunmuş Rişi adını artıq iki dəfə rekordlar kitabına yazdırmağa nail olub. Belə ki, birinci dəfə 61 yaşlı qaynını himayəsinə götürmüş, ikinci dəfə isə qənd dilimlərindən 162 santimetr hündürlüyündə ən uca qüllə düzəltmişdi.