Bir çox məşhurlar “Second-hand” magazalarından geyinir

Çoxlarının fikrincə, “Second-hand” magazalarından yalnız kasıblar geyinir. Lakin bu yanlış fikirdir. Bu məsələ şəxsi zövq məsələsidir. Məlumdur ki, bir çox məşhurlar məhz “Second-hand” magazalarından orijinal geyimlər alırlar və bunu da gizlətmirlər. Söz gəzir ki, bu magazalar şəbəkəsində çirkli, çox geynilmiş və spesefik qoxulu paltarlar satılır. Bu fikir də yanlışdır, çünki bütün geyimlər dezinfeksiya edilir. Geyim bir az köhnə və defektli ola bilər. Lakin onun çirkli olması mümkünsüzdür. Bu magazalarda çox vaxt 1-2 dəfə geynilmiş paltar və ya tamamilə təzə, qiyməti üstündə olan paltarlar da satılır. Avropalı və amerikalılar öz qarderoblarını tez-tez dəyişirlər. Buna görə də hər mövsüm dəyişəndə onlar bir neçə dəfə geydikləri və heç geymədikləri “köhnə” paltarları xüsusi məntəqələrə təhvil verirlər. Həmin məntəqələrdən əşyalar fabriklərə göndərilir və orada dezinfeksiya edilərək təkrar satışa çıxarılır. 

“Vətəninfo.az”