Boykot çağırışlarının arxasında ERMƏNİ İZİ

Bakıda keçiriləcək ilk Avropa Oyunlarının boykot edilməsi çağırışlarının arxasında Amerikada fəaliyyət göstərən erməni təşkilatı durur.

Vətəninfo.az-nın  SİA.az-a istinadən xəbərinə görə, bunu Amerika Erməni Milli Komitəsinin icraçı direktoru Aram Hamparyan özünün “twitter” hesabında yazıb.

A.Hamparyan Azərbaycan mediasının və sosial medianın Avropa Oyunları əhvalında olduğunu yazır. Bununla yanaşı, A.Hamparyan Oyunları boykota çağırır.

Qeyd edək ki, ANCA Amerikada fəaliyyət göstərən ən böyük və ən radikal erməni təşkilatıdır. Təşkilatın uzun illər ərzində və bu gün erməni terror təşkilatı olan ASALA-nın maliyyə və ideologiya mənbəyi rolunda çıxış etdiyi deyilir. Qurumun adı dəfələrlə ABŞ-da çirkli pulların yuyulması, şantaj və müxtəlif konqresmenlərin ələ alınması qalmaqallarında çəkilir.

Xatırladaq ki, ilk Avropa Oyunlarında Ermənistanın 18 idmançısı iştirak edəcək. Ermənistanlı idmançılar Oyunlarda iştirak etmək üçün bu gecə Bakıya gəliblər.