Bu gün yeni prezident and içəcək

Bu gün Polşada prezident seçkilərində qələbə qazanmış Ancey Dudanın inauqurasiya mərasimi keçiriləcək

Parlamentin aşağı və yuxarı palatalarının birgə iclası yerli vaxtla saat 10:00-da başlayacaq.

Xatırladaq ki, mayın 24-də Polşada keçirilən prezident seçkilərinin ikinci turunun yekunlarına görə, müxalifətçi "Qanun və ədalət” partiyasının namizədi, 43 yaşlı Ancey Duda 51,55 faiz toplayaraq hazırkı prezident Bronislav Komorovskini üstələmişdi.

Onu da qeyd edək ki, ümumilikdə seçkilərdə 11 namizəd prezidentlik kürsüsü uğrunda mübarizə aparıb.

APA