Cəbhə xəttində güclü atışma gedir

Ermənistan silahlı qüvvələrinin bölmələri Azərbaycan Ordusunun mövqelərini avtomat və pulemyotlardan atəşə tutub. “Vətəninfo.az” ın Müdafiə Nazirliyinin mətbuat xidmətinə  istinadən verdiyi məlumata görə, Ermənistan silahlı qüvvələrinin bölmələri martın 26-da saat 11.10-dan 11.15-dək, martın 27-də saat 00.30-dan 00.40-dək, 2.40-dan 2.45-dək və 2.20-dən 2.25-dək Ermənistanın İcevan rayonunun Berkaber və Azatamut kəndlərində yerləşən mövqelərdən Qazax rayonunun Qızılhacılı və Cəfərli kəndlərində yerləşən mövqelərimizi atəşə tutub. 

Bundan başqa ermənilər saat 2.55-dən 3.10-dək Tərtər rayonunun Seysulan, saat 5.40-dan 5.50-dək, 5.45-dən 5.50-dək və 5.50-dən 6.00-dək Füzuli rayonunun Qorqan, Horadiz və Aşağı Əbdülrəhmanlı kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutub.  MN-dən  düşmənə layiqli cavab verildiyini və düşmənin cavab atəşi ilə susduruluduğunu desələr də bölgən verilən məlumata görə, atışmalar davam etməkdədir.