Daşqın Gülməmmədov Azərbaycan və Türkmənistan Prezidentlərini təbrik etdi

Gürcüstan Türkləri Konfederasiyasinin prezidenti Daşqın Gülməmmədov Novruz Bayrami münasibəti ilə Azərbaycan Respublikasın Prezidenti İlham Əliyevə və Türkmənistan Respublikasının Prezidenti Qurbanqulu Berdımuhammedova rəsmi təbrik məktubları göndərib. Bu barədə mətbuata Gürcüstan Türkləri Konfederasiyası (GTK) İnformasiya Departamentindən məlumat veriblər.

Azərbaycan Prezidenti İlham Əliyevə göndərilən məktubda deyilir: “Möhtərəm İlham Əliyev Azərbaycan xalqının Milli bayramı olan - Novruz Bayramı münasibəti ilə Sizi və Azərbaycan xalqını Gürcüstan Türkləri Konfederasiyası adından təbrik edirəm. Uca Allahdan, bu əziz bayram günü Azərbaycan xalqına və Sizə səadət və xoşbəxtlik arzulayıram. Goy Uca Allah öz müqəddəs nəzrlərinin Azərbaycan Respublikasının üzrəindən heç zaman çəkməsin.”

Daşqın Gülməmmədovun Türkmənistan Respublikasının Prezidenti Qurbanqulu Berdımuhammedova göndərdiyi məktubda isə deyilir: “ Hörmətli Prezident, Novruz Bayramı münasibəti ilə Sizi və Türkmən xalqını Gürcüstan Türkləri Konfederasiyası adından təbrik edirəm. Sizə və Türkmən xalqına inkişaf, səadət və xoşbəxtlik arzulayıram. Siz bizim türk qardaşlarımızsınız və sizin müstəqilliyinizin möhkəmlənməsi bizi daima ürəkdən sevindirib”.