Davudoğlu sərt münasibət bildirdi

Türkiyənin xarici işlər naziri Əhməd Davudoğlu NATO zirvəsi üçün getdiyi Çikaqodan türk bayrağınının yandırılması hadisəsini qınayıb.

“Vətəninfo.az” Türkiyə mətbuatına istinadən xəbər verir ki, nazir səfərdə olduğu müddətdə İraqlı həmkarı Hoşyar Zebari ilə telefon əlaqəsi saxlayaraq, İraqda həyata keçirilən bu addımın çirkin davranış olduğunu, bunu həyata keçirənlərin isə şəxsiyyətsiz olduğunu dilə gətirib. Davudoğlu, həmçinin qarşı tərəfə diplomatik nümayəndəliklərin təhlükəsizliyinin, nümayəndəlikləri qəbul edən ölkəyə aid olduğunu xatırladıb.
Hoşyar Zebari də həmin hücumun böyük qınaq obyekti olduğunu və bu işi həyata keçirənlərin tezliklə tapılacağını bildirib.
Mirvari Nəcəf