Bu barədə Miq.Az-a Daxili İşlər Nazirliyinin mətbuat xidmətindən bildirilib.

Nazirlikdən qeyd edilib ki, karantin müddətində vətəndaşlar da üzərlərinə düşən öhdəliyə məsuliyyətlə yanaşmalıdırlar:

"Polislər hər yerdə nəzarəti həyata keçirir. Bu müddətdə nəzarətin ağırlığı daxili işlər orqanları əməkdaşlarının üzərinə düşür. Lakin vətəndaşlar da bu tələblərə məsuliyyətlə yanaşmalı və sosial məsafəni qorumalıdırlar. Sözügedən görüntülərdəki hal bir neçə dəqiqədən artıq çəkə bilməz. Çünki Daxili İşlər Nazirliyinin əməkdaşları müntəzəm olaraq reydlər keçirir, marşrutlar üzrə xidmət aparırlar”.

Qeyd edək ki, bu gün Bakının "Şamaxı yolu” adlandırılan ərazisində çəkilən fotolarda vətəndaşların sosial məsafəni qorumaması və 10 nəfərdən artıq şəxsin bir yerə toplaşması əks olunub.