Ekspertlər müxalifətin 8 apreldə keçirdiyi mitinqini necə dəyərləndirirlər?

Zəfər Quliyev: “Müxalifətin keçirdiyi mitinq ümidvericidir”

Müxalifətin 8 apreldə keçirdiyi mitintqi yeni bir mərhələnin başlanığıcı sayardım.

Bu sözləri "Veteninfo.az"a politoloq Zəfər Quliyev müxalifətin keçirdiyi 8 aprel mitinqini dəyərləndirirkən bildirib.

“Mən deyərdim ki, bu yeni mərhələnin başlanığıcını əks etdirən bu start mitinqi uğurlu və ümidvericidir. Yəni, uzun müddət idi ki, icazəli mitinqlər keçirilmirdi və ona görə də bu mitinq gələcək proseslərə təkan verə bilər. Məhz, proseslər artan xətt üzrə davam etməlidir. Bu baxımdan mənim 22 apreldə keçirilməsi gözlənilən mitinqə nikbin baxıram”.

Almaniyada yaşayan jurnalist Fəxrəddin Hacıbəyli saytımıza açıqlamasında də müxalifətin yeni mövsümə belə bir aksiya ilə başlamağını ümidverici adlandırdı: "Ümid edək ki, bu aksiyalar davamlı və intensiv olacaq. Kaş hakimiyyət bu aksiyalardan divident qazanmaq üçün yararlanmasın.Bu həqiqətən xalqın etirazının ifadəsinə və gözlənilən nəticəyə səbəb olsun”.