“Elçibəylə görüşlərimdə də, o bunu normal qəbul edib”

Elçibəyin bir illik hakimiyyəti ilə bağlı mənim də zaman-zaman tənqidlərim olub, hətta eks-prezidentin sağlığında belə bəzi tənqidi məqalələr də yazmışam. 

Bu sözləri Veteninfo.az-a “Atlas” Araşdırmalar Mərkəzinin rəhbəri, analitik Elxan Şahinoğlu politoloq Emin Millinin öz bloqunda Milli Azadlıq Hərəkatının lideri, eks-prezident Əbülfəz Elçibəylə bağlı yazdığı qalmaqallı yazısına münasibət bildirirkən qeyd etdi.

“Elçibəylə görüşlərimdə də, o bunu normal qəbul edib. Ancaq Elçibəyin imzasıyla təsdiq olunmamış hansısa sənədi əlində bayraq edərək, 20 il sonra müzakirəyə çıxarmağın mənasını anlamıram. Əlbəttə, arxivlər açılmalı və bütün məsələlərə aydınlıq gətirilməlidir. Ancaq məndə belə bir təəssürat yarandı ki, məlum "sənədi" gündəmə gətirən şəxs bununla müzakirə açmaq yox, öz ismini populyarlaşdırmağa çalışır. Hər bir insanın fikirini sərbəst ifadə etmək hüququ var. O da öz hüququndan bu cür yararlanır”.

Elnur Eltürk