Əməliyyat nəticəsində 900-dən artıq adam həbs olunub

Türkiyədə bir neçə gün davam edən anti-terror əməliyyatları nəticəsində 900-dən çox insan həbs olunub. Bu barədə "Report" TASS-a istinadən xəbər verir.

Türkiyə hökumətindəki mənbədən verilən məlumata görə, iyulun 24-də terror təşkilatı olan "İslam Dövləti" quplaşması və ölkədə qadağan olunan Kürd Fəhlə Partiyası (PKK) yaraqlılarına qarşı anti-terror əməliyyatı başlayıb.

Bazar ertəsi səhər Ankara Polisi "İŞİD" üzvlərinin yaşadığı güman edilən ünvanlarda reydlər keçirib.

CNN Turk telekanalının məlumatına görə, həbs olunan 15 nəfərdən 11 xarici vətəndaşlardır. Polisin məlumatına görə, qruplaşma üzvləri kifayət qədər açıq şəkildə təbliğat aparıblar. Onların məqsədi Suriyaya yeni döyüşçülərin göndərməsi üçün qruplaşma sıralarına gənclərin cəlb edilməsi olub.