"Əməliyyat terror təşkilatının üzərinə beton tökülənə qədər davam edəcək"

Türkiyə prezidenti Rəcəb Tayyib Ərdoğan keçmiş baş qərargah rəisi Necdət Özərin təqaüdə çıxması ilə əlaqədar olaraq təşkil olunan mərasimdə çıxış edib.

Ölkə prezidenti Türkiyə və ətrafında baş verən proseslər haqqında danışıb. "Çözüm süreci"nə toxunan Ərdoğan müddətin dondurulduğunu bildirib.

"Artıq terror təşkilatı ölkəmizin daxilində deyil, xaricdə də milli maraqlarımızı, dövlətimizin və millətimizin təhlükəsizliyini təhdid etməyə başlayıb. Atdığımız bütün addımlara baxmayaraq terror təşkilatı öz çirkin əməllərindən əl çəkmədi və polisimizi, əsgərimizi, vətəndaşımızı qətlə yetirməkdə davam etdi. Bunun cavabsız qalacağını düşündülər və yanıldılar. Başladığımız əməliyyat terror təşkilatının üzərinə beton tökülənə qədər davam edəcək" deyə Ərdoğan vurğulayıb.

Daha sonra İŞİD məsələsinə toxunan Türkiyə prezidenti bu terror təşkilatı ilə də mübarizənin davam edəcəyini bildirib.

Ölkə.az