Ərdoğan Abdulbari Gözələ iş verdi-EKSKLÜZİV

“Azərsun Holdinq”in şefi Ankarada xəstəxana tikəcək

 “Azərsun Holdinq”in İdarə Heyətinin sədri Abdulbari Gözəlin Türkiyəyə investisiyaların qoyulması yolunda addımlar atdığı haqqında bir müddət əvvəl Vətəninfo.az xəbər vermişdi. Onu da bildirmişdi ki, Türkiyənin baş naziri Rəcəb Tayyib Ərdoğan ölkəsinin bir sıra bölgələrində iqtisadi dirçəlişə nail olmaq, eyni zamanda işsizliyin aradan qaldırılması yolunda ciddi addımlar atmaq niyyətindədi. Bu atılacaq addımlar sırasında hazırda Türkiyədən kənarda ciddi kapitala malik türk iş adamlarının cəlbi də var ki, R.T.Ərdoğan bu çərçivədə Abdulbari Gözəli Türkiyəyə dəvət edib. Artıq bu dəvət rəsmi işə keçib. Vətəninfo.az xəbər verir ki, “Azərsun Holdinq”in İdarə Heyətinin sədri Abdulbari Gözəl Ankarada bu çərçivədə böyük bir xəstəxana tikəcək. Artıq ötən gün A.Gözələ məxsus şirkətin inşa edəcəyi xəstəxananın təməlqoyma mərasimi keçirilib və təməlqoyma mərasimində Rəcəb Tayyib Ərdoğan da iştirak edib. Məlumata görə, A.Gözəl təkcə xəstəxana tikməklə yetinməyəcək və bunun ardınca Ərzurum bölgəsində böyük bir fabrikin inşasına başlaycaq. Burda məqsəd bölgədə yetişən tərəvəz və meyvələrin konservləşdirilməsi və ölkə daxilində və xaricdə satışının təşkilidi.

Vətəninfo.az