Ermənilər indi də itlərini üstümüzə qısqırdır - FOTO

Tovuzun Əlibəyi kəndi bu dəfə vəhşi itin hücumuna məruz qalıb.

Vətəninfo.az xəbər verir ki, Əlibəyli kənd icra nümayəndəsi Valeh Rzayev ANS PRESS-ə verdiyi açıqlamasında bildirib ki, atəşkəsin mütəmadi olaraq pozulduğu kəndə hücum edən vəhşi it 4 sakini yaralayıb.

Onun sözlərinə görə, 42 yaşlı Əli Hüseynov, 50 yaşlı Müzəffər Məmmədov, 64 yaşlı Göyçək Mehdiyeva və onun 74 yaşlı həyat yoldaşı Həsənəli Allaverdiyev vəhşi itin hücumuna məruz qalıb.

İcra nümayəndəsinin sözlərinə görə, kəndə hücum edən vəhşi it Ermənistan ərazisindən keçdiyi şübhə doğurmur: "Kənd camaatı indiyə kimi bu cür vəhşi itə rast gəlməyiblər".

Valeh Rzayev yaralanan kənd sakinlərinə müvafiq tibbi yardımın göstərildiyini bildirməklə yanaşı, vəhşi itin də öldürüldüyünü sözlərinə əlavə edib: "Qorxulu bir şey yoxdur".

Qeyd edək ki, vəhşi it kənd sakinlərini mal-qarasını da yaralayıb.

Vətəninfo.az