“Ermənilər öz güclərini Azərbaycana göstərmək istəyirlər"

Bu sözləri “Vətəninfo.az”a “Doktrina” Jurnalistlərin Hərbi Araşdırmalar Mərkəzinin direktoru, hərbi ekspert Cəsur Sümərinli bildirib: “Erməni silahlı qüvvələrinin cəbhə xəttində atəşkəsi tez-tez pozmalarının əsas məqsədi Azərbaycan Silahlı Qüvvələrini öz "güclərini" göstərmək niyyətidir. Bu, eyni zamanda erməni tərəfinin regionda hərbi əməliyyatların hər an başlamasının mümkünlüyünə dair Qərbə xəbərdarlığıdır. Onlar bu addımı atmaqla Azərbaycana siyasi təzyiqlərin edilməsinə çalışırlar. Bir sıra hallarda buna nail olurlar. Amma ümumilikdə o da aydındır ki, bu atəşkəs pozmaları Azərbaycan Silahlı Qüvvələrinin gücünə dair məlumatları heç də aşağılamır, əksinə Azərbaycan ordusunun gücü nəinki erməni ordusu, eləcə də ümumilikdə erməni cəmiyyəti üçün qorxu mənbəyi olaraq qalır. Gerçək hərbi əməliyyatların başlaması perspektivi qalır və erməniləri qorxudan məsələ məhz budur”-deyə, hərbi ekspert söyləyib.

Elnur Eltürk