Eşq! (Qənirə Paşayeva)

Eşq – ədalətsizdir..! –

nə qədər çox inansan 

o qədər çox üzür 

insanı…

Eşq qəddardır –

Nə qədər çox bağlansan

O qədər çox ağladır insanı…

Eşq zalımdır –

Nə qədər çox yanarsan onun üçün

O qədər çox yandırır canını…

Eşq acımasızdır –

Nə qədər çox “canım” desən

O qədər çox ağrıdır canını…

Eşq… dəlidir –

Səni ağladana “gözüm” deyəcək qədər…

Eşq ağılsızdır –

Həyatını zəhər edənə “həyatım” deyəcək qədər..!

Eşq qürursuzdur –

Səni sevməyən, üzən birinə “əzizim” deyəcək qədər

Eşq ölümsüzdür –

Ölüm ayağında belə 

səni öldürən birinə “Yarım” deyəcək qədər..!