Facebook-a görə nənəsini döydü

ABŞ-ın Florida ştatının sakini Rayçel Ann Heys Facebook sosial şəbəkəsində onun dostluq təklifini qəbul etmədiyi üçün nənəsinin sifətinə bir neçə dəfə zərbə vurub.

27 yaşlı nəvə 72 yaşlı nənəsinə hücum edərkən sərxoş vəziyyətdə olub.

Hadisə yerinə gələn polislər R.A.Heysi həbs ediblər. Məhkəmə prosesində qadın bildirib ki, o işini itirməkdən qorxur və girovun ödənilməsi müqabilində azadlığa buraxılması üçün ağlayaraq yalvarıb. Lakin A.Heys nənəsini döydüyünə görə üzr istəməyib.

Daha sonra nənə deyib ki, o 27 yaşlı nəvəsini Facebook-da dostluğa ona görə qəbul etməyib ki, nəvəsinin sosial şəbəkədəki adı onun xoşuna gəlməyib. Belə ki, qız özünü “Rachel Frickin Hayes” adlandırıb.

Məhkəmə isə Ann Heysi 9 min dollar girov müqabilində azadlığa buraxıb.

Qeyd edək ki, A.Heys bundan əvvəl sərxoş vəziyyətdə törətdiyi hadisələrə görə 3 dəfə polis tərəfindən saxlanılıb.