FIFA 15 futbolçunu diskvalifikasiya etdi

Vətəninfo.az  xəbər verir ki, FIFA Estoniya və Slovakiya futbol federasiyalarının nəticələri əvvəlcədən razılaşdırılmış oyunlarda iştiraka görə 15 futbolçuya tətbiq etdiyi sanksiyaların əhatəsini beynəlxalq səviyyəyədək genişləndirib. Trend-in FIFA-ya istinadən verdiyi məlumata görə, rusiyalı futbolçu Yaroslav Dmitriyev futbol fəaliyyətindən birdəfəlik uzaqlaşdırılıb. O, "Ayaks Lasnamyae" (Tallin) klubunun oyunçusu olarkən danışılmış oyunlarda iştirak edib. 10 oyunçunun diskvalifikasiya müddəti 2015-ci il martın 1-də, ikisinin isə bu il dekabrın 31-də başa çatır. Bundan başqa, slovakiyalı futbolçular İvan Qodur və Robert Rak, müvafiq olaraq, 11 və 15 il müddətinə diskvalifikasiya olunublar.

Vətəninfo.az