Fransa, yoxsa Almaniya, kim qalib gələcək?

Brazilyada keçirilən Dünya Çempionatının 1/4 final mərhələsində sabah Almaniya və Fransa yığması üz-üzə gələcək.

Vətəninfo.az xəbər verir ki, dünya çempionatının 20 turundan 18-də iştirak edən Almaniya ölkələr arasında ən çox oyun (103) keçirib. Bu oyunların 63-də qələbə qazanıb. Rəqib qapılarından 215 top keçirib, 120-sini isə buraxıb.

Fransa 14 mundialda iştirak edərək 58 oyun keçirib. 28 oyunu qələbə ilə başa vuran Fransa rəqibə 106 top vurub. Özü isə 70 dəfə mərkəzdən oyun başlamaq məcburiyyətində qalıb.

Dünya çempionatının final mərhələsində Almaniya və Fransa 3 dəfə üz-üzə gəliblər. Bu görüşlərin 2-də (1982 və 1986) Almaniya, 1-də (1958) Fransa qalib olub. Almaniya hər 2 qələbəni ½ finalda qazanıb. Ancaq 3-cü yer uğrundan keçirilən oyunda Fransaya (6:3) məğlub olub.

Almaniya mundialda 3 dəfə 1-ci, 4 dəfə 2-ci, 4 dəfə 3-cü yeri bölüşüb.

Fransa 1 dəfə 1-ci, 1 dəfə 2-ci, 2 dəfə 3-cü yeri bölüşüb.

Vətəninfo.az