Fuad Muradov bəyanat verdi

“Mütəşəkkil Cinayətkarlıq və Korrupsiya Hesabatı Layihəsi beynəlxalq təşkilatının açıqladığı hesabatda prezident İlham Əliyev haqqında yer alan məqamlar bilavasitə erməni tərəfinin səyləri ilə baş tutub”.

“Qafqazinfo” xəbər verir ki, bu sözləri millət vəkili Fuad Muradov bəyanatında bildirib. Deputat təşkilatla bağlı apardığı araşadırma nəticəsində maraqlı faktlar aşkar etdiyini bildirib: “Bu qurumun İdarə Heyətinin tərkibinə Ermənistan Araşdırmaçı Jurnalistlər Təşkilatı daxildir. Həmin təşkilatın rəhbəri isə Edik Baqdasaryandır. E.Baqdasaryan isə Dağlıq Qarabağda, Xocalıda azərbaycanlılara qarşı amansız qətllər törədən beynəlxalq terrorçu Monte Melkonyanın yaxın dostu olub. Azərbaycan prezidenti İlham Əliyevin nufuzuna xələl gətirmək məqsədi daşıyan bu qərarın qəbulu da bilavasitə Baqsaryanın təşəbbüsü ilə baş tutub”.

Qeyd edək ki, Organized Crime and Corruption Reporting Project (Mütəşəkkil Cinayətkarlıq və Korrupsya Hesabatı Layihəsi - OCCRP) jurnalistlər şəbəkəsi 2012-ci ildə mütəşəkkil cinayətkarlıq və korrupsiyada ən çox maraq doğuran insanı müəyyənləşdirmək üçün jurnalistlər arasında sorğu keçirib və prezident İlham Əliyevi “ilin adam”ı təyin edib.