Güləşçimiz birinci oldu

Heydər Əliyev adına İdman-Konsert Kompleksində keçirilən yeniyetmələr arasında güləş üzrə dünya çempionatında yunan-Roma güləşi üzrə yarışlar avqustun 26-da başa çatıb.

Yarışların sonuncu günündə çempionatda 46, 54, 63, 76 və 100 kiloqram çəki dərəcələrində güləşçilər mübarizə aparıb. Avqustun 26-da Azərbaycan idmançıları yarışlarda dörd qızıl medal qazanıb.

Qeyd edək ki, Mikayıl Rəhmanov (46 kq), Kərim Cəfərov (54 kq), Ruhin Mikayılov (63 kq) və İslam Abbasov (76 kq) dünya çempionu adına layiq görülüb. 100 kiloqram çəki dərəcəsində qızıl medalı Türkiyə güləşçisi Əmrə Səlahəddin Muyan əldə edib.

Ümumi komanda hesabında 84 xal (6 qızıl, 1 gümüş və 1 bürünc medal) toplamış Azərbaycan yığması birinci yeri tutub. Sonrakı yerlərdə Gürcüstan (62 xal) və Rusiya (61xal) komandaları qərarlaşıb.