Prezident İlham Əliyevin Zaqatalaya səfəri ərəfəsində rayon icra hakimiyyəti (RİH) dövlət başçısının kortejinin keçəcəyi yol boyunca yerləşən evlərin damlarını rəngləməyə başlayıb.

Bu barədə blogger Mehman Hüseynov məlumat verib.

Fotolardan da göründüyü kimi, yerli məmurlar köhnə damları yeniləmək əvəzinə onları sadəcə olaraq rəngləməyi daha üstün tutublar.  Özü də çox maraqlıdır ki, damların yalnız bir hissəsi - yola baxan, yəni prezidentin görə biləcəyi hissəsi rənglənir.

Yerli sakinlər məmurlardan damların hamısını rəngləməyi tələb edəndə sonuncular onlardan buna görə pul istəyib.

Görünür, Zaqatalanın icra başçısı büdcədən abadlıq işləri, o cümlədən damların rənglənməsi məqsədilə ayrılan pulların bir hissəsini bu yolla mənimsəyir.

Virtualaz.org