İkinci övlad dünyaya gələcək

İngilis taxtının ikinci varisi Kembric şahzadəsi Uilyamla 4 il əvvəl ailə quran və ikinci körpəsinə hamilə olan Kembric hersoqinyası Keyt üzgüçülüyə başlayıb.

 Vətəninfo.az-ın məlumatına əsasən, Axar.az xəbər verir ki, “Deyli Meil” qəzetinin yazdığına görə, hersoqinyanın Bukinqhem sarayında üzməyə başlamasının səbəbi doğumun 4 gün gecikməsidir.
 Mamaların təbii yolla doğumun asanlaşması üçün üzməyi məsləhət gördüyü vurğulanan qəzetdə hersoqinyanın xalatla saraya girərkən çəkilən fotoları da yayımlanıb. Hamiləliyinin əvvəllərində ingilis mətbuatı Keytin çox çətin günlər keçirdiyini və sürəkli qusduğunu yazmışdı. 10 aylıq hamilə olan hersoqinya ilk hamiləliyində də tibdə “hyperemesis gravidarum” adlanan şiddətli səhər bulantıları yaşamış, hətta bir müddət xəstəxanada yatmaq məcburiyyətində də qalmışdı.
 Krallıq ikinci körpənin doğumunu Tvitter və İnstaqram hesablarından elan edəcəkləri qərarı alıb. Həmin elanda körpənin cinsiyyəti, doğum saatı və kilosu açıqlanacaq.