İmaməli Rəhman Fətullah Güləni - QOVUR

Vətəninfo.az xəbər verir ki,Tacikistan prezidenti İmaməli Rəhman ölkənin Təhsil Nazirliyinə ölkədə mövcud olan Fətullah Gülənlə bağlı məktəblərin bağlanması ilə bağlı göstəriş verib.

Tacikistan Təhsil Nazirliyinin rəsmisi Rahimcon Saidov bildirib ki, prezidentin göstərişinə əsasən ölkə ərazisində mövcud olan camaata məxsus litsey və məktəblərlə bağlanan müqavilələr yenilənməsin. Məlumata görə, hazırda Tacikistanda Gülən camaatının “Şəlalə Təhsil Mərkəzi"nə daxil olan məktəb və litseylərdə yoxlamalara başlanılıb. “Ölkədəki camaata məxsus məktəblərin missiyası bizə bəlli deyil”, - deyən Saidov qeyd edib ki, əgər təmsil olunduğu nazirlik məktəblərin həyata keçirdiyi missiyanın müsbət bir missiya olmadığı istiqamətində qərar verərsə, bu məktəblərin fəaliyəti dayandırılacaq. Məlumata görə, Fətullah Gülən camaatına məxsus ilk məktəb Tacikistanda 1992-ci ildə açılıb.

Son on ildə artan camaata məxsus məktəblərlə bağlı müzakirələr əsasən bu məktəblərin bağlanması istiqamətində olub. Məlumata görə, “Şəlalə Təhsil Mərkəzi”nin daxilində fəaliyyət göstərən Tacik-Türk litseylərindən 6-sı Düşənbədə, 4-dü isə digər şəhərlərdə fəaliyyət göstərir.

Vətəninfo.az