Çində internet qadağası

Çinin internetə nəzarət edən qurumu məşhur adamların adları altında şərh qoymağı istifadəçilər üçün qadağan edib.

Vətəninfo.az xəbər verir ki, Çin Kiberməkan Administrasiyası (CAC) Çin rəsmilərinə məxsus və ya Barack Obama kimi adlardan istifadə edib şərh yazmağı "vulqar adət" adlandıraraq buna qarşı mübarizə apardığını bildirib.

CAC - Kommunist Partiyasının orqanıdır və ona Prezident Xi Jinping nəzarət edir. Beləliklə bu qurumun qaydaları, digər nizamçı qurumlardan daha çox əhəmiyyət daşıyır.

Veb şirkətləri digər qurumlar tərəfindən tətbiq olunan oxşar məhdudiyyətlərdən yan keçiblər.

CAC martın 1-dən tətbiq olunacaq bir sıra ölçülər barədə bəyanat yayıb.

Qurum deyib ki, ləqəblərdə konstitusiyaya zidd, milli təhlükəsizliyə qarşı və ya şaiyələri qızışdıra biləcək məlumat ola bilməz.

Bundan savayı internet istifadəçiləri "qanunsuz və qeyri-sağlam" internet fəaliyyətindən çəkinəcəklərini yazılı şəkildə vəd etməli olacaqlar. Onlar ləqəb altında şərh yazmaq istəsələr də öz adları altında qeydiyyatdan keçməli olacaqlar.