“İnter” 11 metrdə ilişdi

Vətəninfo.az  xəbər verir ki, Bakının “İnter” klubu Avropa Liqasının II təsnifat mərhələsində İsveçin “Elfsborq” komandası ilə görüşüb. “Qafqazinfo” xəbər verir ki, “Şəfa” stadionunda baş tutan oyunun əvvəlində - 3-cü dəqiqədə “İnter”in oyunçusu Salukvadze qırmızı vərəqə ilə meydandan qovularaq komandasını azlıqda qoyub. 45-ci dəqiqədə rəqib komandanın oyunçusu Sebastyan Holmen “Elfsborq”u hesabda irəli çıxarıb. Oyun bu hesabla bitdiyindən iki oyunun nəticəsinə görə hesab 1-1 olub və ə oyuna 30 dəqiqə əlavə vaxt təyin edilib. Lakin əlavə edilən vaxtda da komandalar fərqlənə bilməyiblər. Nəticədə qalib 11 metrlik zərbələrlə müəyyən olunub. Daha dəqiq zərbələr vuran İsveç təmsilçiləri 4:3 hesablı qələbə ilə növbəti mərhələyə vəsiqə qazanıb. Xatırladaq ki,  “İnter” ilk oyunda “Elfsborq”u 1:0 hesabı ilə məğlub etmişdi.

Vətəninfo.az