”İran Azərbaycana qarşı təxribat aparmaqdadır”

İranın açıq təxribatları bir daha onu göstərir ki, rejim Azərbaycandan əl çəkmək istəmir.

Bu sözləri “veteninfo.az”-a İsveçdən Cənubi Azərbaycanın tanınmış hüquq müdafiəçisi, politoloq Saleh Kamrani son günlər İran rejiminin Azərbaycana qarşı apardığı təxribatları şərh edərkən bildirib.

“İran Azərbaycanın bölgədə güclənməsindən olduqca narahatdır və buranı öz sosial bazasına çevirmək üçün, müxtəlif vasitələrə əl atmaqdadır. Ölkənin media və xüsusi xidmət orqanları bu işin həyata keçməsi üçün geniş fəaliyyət ortaya qoyublar. Son hadisələr göstərdi ki, İran rejimi açıq şəkildə Azərbaycana qarşı təxribatlar aparır və bundan da geri çəkilinə oxşamır”,-deyə Saleh Kamrani bildirib. Saleh Kamrani İranin rejiminin bu yolla Azərbaycana təsir edə bilməyəcəyini qeyd edib.

“Rejimin Azərbaycanı öz sosial poliqonuna çevirmək siyasəti fiaskoya məhkumdur. Bu siyasət uğursuz olmaqla yanaşı, gec-tez bumerenq kimi özünə qayıdacaq”,-deyə politoloq vurğulayıb.

Elnur Eltürk