Bu gücə İranda və Azərbaycanda yenidən zəlzələ baş verib. Milli Elmlər Akademiyası nəzdində Respublika Seysmoloji Xidmət Mərkəzindən  verilən məlumata görə, təkanlar yerli vaxtla saat 04:11-də Pirquludan 7 km qərbdə, Ağsu ərazisində qeydə alınıb. Maqnitudası 3 bal olan zəlzələ hiss olunmayıb. 

Bir neçə həftə öncə güclü zəlzələ nəticəsində 500 nəfərə yaxın təlafatın qeydə alındığı İranda baş verən təkanların gücü isə daha çox olub. İstiPress-in məlumatına görə, yeraltı təkanlar ölkənin cənub-şərqində qeydə alınıb. Avropa Aralıq dənizi Seysmologiya Mərkəzinin məlumatına görə, təkanların gücü 5,9 bal olub.

Bu gecə saat 02 radələrində qeydə alınan təkanların episentri Kirman şəhərindən 65 km aralıda olub. Hələlik dağıntı və tələfat barədə məlumat yoxdur.