İranla razılaşmanın əldə olunmasına dair səsvermə iyulun 20-də keçiriləcək

Təhlükəsizlik Şurasında İranla razılaşmanın əldə olunmasına dair səsvermə bazar ertəsi, iyulun 20-də keçiriləcək.

Vətəninfo.az xəbər verir ki, APA-nın məlumatına görə, bu barədə TASS agentliyinə BMT-dəki mənbə məlumat verib.

 "Çox güman ki, səsvermə iyulun 20-də, səhər saat 09:00-da baş tutacaq. İyulun 16-da ekspertlər səviyyəsində keçirilmiş görüşdə Təhlükəsizlik Şurasına üzv olan ölkələrin heç biri qətnamə layihəsinə düzəlişlərin edilməsini təklif etməyib. Sənəd razılaşdırılıb və səsverməyə hazırdır”, deyə mənbə bildirib.