İŞİD bəyanat yaydı-Fransadakı hücumla bağlı

Fransanın “Charlie Hebdo” jurnalına edilən hücumla bağlı İŞİD terror qruplaşması açıqlama verib.

Vətəninfo.az xəbər verir ki, açıqlamada “hücumu “İslam Dövləti”nə simpatiya bəsləyənlər edə bilər” deyilir.

“İslam Dövləti”nin Fransa vətəndaşı olan mücahidləri müxtəlif videolarla fransızları hicrət etməyə, hicrət edə bilməyənləri də Fransa daxilində hücumlara çağırıblar.  Fransa “İslam Dövləti”nə qarşı hücumlar təşkil edən səlib koalisiyasının fəal üzvüdür. Jurnalın redaksiyasına edilən hücumun “İslam Dövləti”nə simpatiya bəsləyənlərin təşkil etməsi ehtimalı var. Amma hadisə çox yeni olduğu üçün hələ dəqiq məlumat yoxdur”, - İŞİD-ə bağlı bir xəbər saytında yerləşdirilən açıqlamada deyilir.

Qeyd edək ki, jurnal hücumdan qısa müddət əvvəl “twitter” səhifəsində İŞİD terror təşkilatının lideri Əbubəkr Əl-Bağdadi ilə bağlı bir karikatura paylaşıb.