İŞİD insanları susuz qoydu

Vətəninfo.az-ın məlumatına görə, Ölkə.Az xarici mediaya istinadən xəbər verir ki, İŞİD terror təşkilatı İraqda Fərat çayı üzərindəki Ramadi bəndini bağlayaraq, şəhərin şərq bölgələrinə gedən suyu kəsib.
Ənbar valisinin təhlükəsizlik müşaviri general Əziz Xələf et-Tarmuz bildirib ki, İŞİD Ramadinin şimalındakı sədd üzərindəki nəzarəti ələ keçirib və qapaqları bağlayıb. Tarmuz qeyd edib ki, səddin geri alınması üçün hərbi əməliyyat təşkil edilməsi, ya da suyun axması üçün səddin qapaqlarından birinin hava hücumuyla vurulmasını tələb edib.
Xatırladaq ki, may ayında İraqın Ramadi şəhəri tamamilə İŞİD silahlarının nəzarətinə keçib. Şəhər uğrunda döyüşlər bir neçə aydır davam edib.