İŞİD partiya liderinin oğlunu öldürdü

Kürdistan Sosial Demokrat Partiyası sədrinin oğlu İŞİD tərəfindən öldürülüb.

Vətəninfo.az-ın məlumatına görə, Kürdistan Sosial Demokrat Partiyası sədri Məhəmməd Hacı Mahmudun oğlu Ata Məhəmməd İŞİD-lə baş verən qarşıdurmada dünyasını dəyişib.

Kərkükün 12 kilometr cənubunda yeləşən Tilver kəndində İŞİD terror qruplaşmasına qarşı əməliyyatlara başçılıq edən Ata Məhəmməd silahlılar tərəfindən öldürülüb. Partiya sədrinin 35 yaşlı oğlu 5 uşaq atası idi.

Bundan başqa, Mosul bəndi ətrafında yaranan qarşıdurmalarda ölən İŞİD üzvləri sayının 126-ya çatdığı bildirilir. Peşmərgə qüvvələri ölənlərdən 7-nin İŞİD-də rəhbər mövqeyində olduğunu iddia edir.

Qeyd edək ki, son günlər peşmərgə qüvvələri ilə İŞİD-çilər Mosul bəndi ətrafında, Zummar və Kərkükün cənubunda qızğın döyüşlər aparır.