İtaliyada prezident seçkilərinin birinci mərhələsi yekunlaşıb

İtaliyanın yeni prezidentinin seçilməsi üçün keçirilən səsvermənin birinci mərhələsi yekunlaşıb.

İtaliyada Deputatlar Palatasının, Senatın üzvləri və 58 regional nümayəndə, ümumilikdə 1009 nəfər yanvarın 29-da ölkənin yeni prezidentini seçmək üçün bir araya gəlib. Namizədlərdən heç biri tələb olunan səs çoxluğunu (673) toplamadıqları üçün nəticənin növbəti mərhələlərdə bəlli olacağı gözlənilir.

İtaliyanın Baş naziri Matteo Renzi ölkənin Konstitusiya Məhkəməsinin hakimi Sergio Mattarellanın namizədliyini irəli sürüb. Keçmiş müdafiə naziri Mattarella İtaliyanın siyasi həyatında önəmli yer tutur.

Xatırladaq ki, Corco Napolitanonun istefasından sonra İtaliya Senatının sədri Pietro Qrasso müvəqqəti olaraq prezident səlahiyyətlərini icra edir.