Jurnalistin qızılları oğurlandı

Bakının Yasamal rayonu, Əlibəy Hüseynzadə küçəsi 59 saylı binada yaşayan, tanınmış jurnalist Laçın Məmmədovanın (Laçın Səmla) evi qarət edilib. Oğrular evdən  jurnalistə məxsus qədim zinət məmulatlarını və başqa qiymətli əşyaları götürüblər.

Vətəninfo.az xəbər verir ki, bu barədə istiqlal.az-a jurnalistin özü məlumat verib.
Onun sözlərinə görə, hadisə o Bakıda olmadığı müddətdə olub: Martın 29-da axşam evə dönərkən əşyalarımın yerə dağıldığını gördüm. Oğrular pencərədən içəri daxil olaraq nənəmdən mənə miras qalan qızılları və başqa əşyaları götürüblər. Hadisə barədə dərhal 27-ci polis bölməsinə məlumat verdim. Hazırda faktla bağlı Yasamal Polis İdarəsində araşdırma aparılır. İş müstəntiq Elvin Yusifovun icraatındadır. Hələlik oğrular tapılmayıb”.