Kərəm Həsənovun deputat qardaşının başı dərddə

Malik Həsənovun Dubay biznesi çökür

Əmlak Məsələləri Dövlət Komitəsinin sədri Kərəm Həsənovun qardaşı, “AZINKO-holdinq”in prezidenti olan M.Həsənov manatın devalvasiyasından sonra milyonlar itirib.

Vətəninfo.az xəbər verir ki, bununla bağlı tia.az-ı məlumatlandıran mənbə iddia edir ki, paytaxtda iri elektronika mağazalar şəbəkəsi olan imtiyazlı deputatın vəziyyəti yaxşı deyil. Bir tərəfdən də bankların kredit siyasətinin sərtləşməsi deputatın alverini kökündən kəsib. Bəzi məlumatlara görə, M.Həsənov bir neçə obyektini də bağlamağa hazırlaşır. Bu səbəbdən də o, bir müddət öncə Dubayda olub və bu ölkədə olan biznesini də tədricən bağlamaq niyyətindədir.

Xatırladaq ki, M.Həsənov 67 saylı Cəlilabad şəhər seçki dairəsindən millət vəkilidir.