"Kerol" filminin treyleri nümayiş olunub

Rejissor Todd Heynsin Kannda mükafat qazanmış "Kerol" dramının ilk treyleri "Youtub" da yayımlanıb.

Vətəninfo.az AZƏRTAC-a istinadən xəbər verir ki, Kann kinofestivalında mükafatı "Ən yaxşı qadın roluna görə" Runi Mara qazanıb. O, univermaq satıcısı Tereza obrazını oynayıb.

Rejissor T.Heynsin çəkdiyi kino yazıçı Patritsia Haysmitin "Duzun qiyməti" romanı əsasında hazırlanıb. Bu roman o zamanlar münasibətlərinin cinayət hesab olunduğu iki qadının sevgi hekayəsindən bəhs edir. Hadisələr 50-ci illərdə Nyu-Yorkda baş verir. Filmdə evli qadın Kerol (Keyt Blanşett) Terezaya vurulur və hadisələr bu məcrada davam edir.

Qeyd edək ki, film noyabr ayında prokata çıxacaq.