“Keyfiyyətli oyun görmək istəyirəm”

"Avropa Liqasında asan oyun olmur”.

Vətəninfo.az-ın məlumatına görə, Apasport.az saytı xarici mətbuata istinadən xəbər verir ki, bu sözləri "Tottenhem”in baş məşqçisi Maurisio Pokettino deyib.

 Avropa Liqasının qrup mərhələsində çıxış edəcək "Tottenhem” bu gün öz meydanında Azərbaycan təmsilçisi "Qarabağ”ı qəbul edəcək.

 Bununla bağlı qısaca olaraq, fikirlərini bölüşən Pokettino komandasından keyfiyyətli futbol tələb edəcəyini bildirib: "Dünyada bütün çempionatlar bir-birindən fərqlənir. İspaniya və İtaliya liqaları fərqli olduğu kimi, digər ölkələrin də çempionatları fərqlidi. Mən "Qarabağ”la matçda keyfiyyətli oyun görmək istəyirəm. Soruşurlar ki, "Tottenhem” İspaniya La Liqasında çıxış etsəydi, indi Avropa Liqasında yox, Çempionlar Liqasında oynaya bilərdimi? Cavabım belədi ki, mənim üçün Premyer Liqada çıxış etmək möhtəşəmdi. Çünki bu, dünyanın ən çətin çempionatıdı. Premyer Liqa digər çempionatlardan fərqlənir”.

 Qeyd edək ki, "Tottenhem” – "Qarabağ” matçı bu gecə saat 00:05-da başlayacaq.