Lavrovla Kerri Dohada görüşəcəklər

Rusiya XİN rəhbəri Sergey Lavrov və ABŞ dövlət katibi Con Kerri avqustun 3-də Dohada görüşəcəklər.

Vətəninfo.az-ın APA-ya istinadla verdiyi xəbərə görə, görüşün əsas müzakirə mövzusu Suriyadakı münaqişənin nizamlanması olacaq.

Bu barədə Rusiya XİN rəhbərinin müavini Mixail Boqdanov bildirib.

O əlavə edib ki, danışıqlarda Səudiyyə Ərəbistanının nümayəndələrinin iştirak edəcəyi gözlənilir.

Xatırladaq ki, bundan əvvəl ABŞ dövlət katibi Con Kerri görüşlərdə İranın addımları və Suriyadakı vəziyyətin əsas müzakirə mövzusu olacağını bildirib.