”Lavrovun səfərində ciddi nəticə gözləmirəm"

Bu sözləri “Vətəninfo.az”a “Atlas” Araşdırmalar Mərkəzinin rəbəri,politoloq Elxan Şahinoğlu Rusiya xarici işlər naziri Sergey Lavrovun Azərbaycana baş tutacaq səfərini şərh edərkən bildirib:“Azərbaycanla Rusiya arasında hazırda iki aktual mövzu var, biri Dağlıq Qarabağ münaqişəsinin həlli, digəri Qəbələ RLS-dir. Fikrimcə, Rusiyanın xarici işlər naziri Bakıda bu iki mövzuya daha çox diqqət ayıracaq. Ancaq Moskva bizə nə təklif edə bilər ki? Kremlin Qarabağla bağlı təkbaşına vasitəçiliyi münaqişənin həllini sürətləndirmir. Qəbələ RLS-lə bağlı icarə müqaviləsinin uzadılması da artıq Azərbaycanın maraqlarına uyğun deyil. Təsadüfi deyil ki, rəsmi Bakı icarəyə görə indikindən 40 dəfə çox maliyyə tələb edib. Odur ki, Lavrovun səfərində ciddi nəticə gözləmirəm”-deyə, politoloq qeyd edib.

Elnur Eltürk