Leyla Əliyeva: «Qarabağ probleminin həllinə təşəbbüslər daha da çoxalacaq»

«Hər iki ölkədə prezident seçkiləri keçiriləcək. Liderlər belə ərəfələrdə münaqişənin həlli ilə bağlı aktivlik nümayiş etdirirlər. Çünki bu, xarici ölkələrə, xüsusən qərbə müsbət təsir edir. Onların seçkilərdə dəstəyi ola bilər. Prezident İlham Əliyevin Davos forumunda keçirdiyi yksək səviyyəli görüşlər Azərbaycan üçün müasbət gözləntilərdir». 
Bunu «Vətəninfo.az»a açıqlamasında politoloq Leyla Əliyeva Azərbaycan və Ermənistan xarici işlər nazirlərinin Parisdəki görüşünü şərh edərkən bildirib. Onun sözlərinə görə, bundan başqa İranla bağlı da gərginlik artır: «Beynəlxalq icmalar tərəfindən Qarabağ probleminin həllinə təşəbbüslər daha da çoxalacaq. Son zamanlar gərginlik daha da artır. Xocalı aeroportu ilə bağlı məsələlər gündəmə gəlib. Azərbaycan buna sərt reaksiya verir, aeroportun fəliyyət göstərib göstərməməmsi müzakirə olunur. Burada bir neçə faktor var. Birincisi daxili faktordur. İkincisi geopolitik vəziyyət, üçüncüsü də beynəlxalq amil. Nəticə isə yalnız beynəlxalq ictimaiyyətinin Ermənistana təzyiqlərindən asılıdır. Çünki Azərbaycan Qarabağla bağlı mövqeyini dəfələrlə açıqlayıb. Dağlıq Qarabağa ən yüksək səviyyədə muxtariyyət verməyə hazır olduğunu bildirib. Burada əsas məsələ Ermənistanın atacağı addımdır ki, ona da getmir. Hələ ki, bu məsələdə nəticə olacağını düşünmürəm».

Firudin

Veteninfo.az