Bu sözləri Modern.az-a açıqlamasında Milli Məclisin deputatı Hikmət Babaoğlu bildirib.

O vurğulayıb ki, Ramiz Mehdiyevin Qərbi Azərbaycana qayıdışı məsələsində mövqeyi cəmiyyətə yaxşı bəllidir:

"Mehdiyevin fəaliyyəti vətənpərvərlik duyğularının zəifləməsinə, milli idrakın, özünüdərkin əngəllənməsinə, tariximizin saxtalaşdırılmasına, ümumi mənəvi mühitin deqradasiyasına səbəb olub. Nəticə etibarilə cəmiyyətdə milli aşağılıq kompleksinin formalaşmasına, bunun sistemli şəkildə aşılanmasına xidmət edən geniş bir şəbəkə yaradılıb. Təəssüf ki, həmin şəbəkənin izləri hələ də qalmaqdadır, lakin artıq onların ifşa prosesi başlayıb.

Qərbi Azərbaycana qayıdışın reallaşması üçün bu mənəvi yükdən qurtulmaq mühüm şərtdir.

Onun vurduğu mənəvi zərbələr birbaşa Azərbaycan xalqına qarşı həyata keçirilmiş fəaliyyət kimi qiymətləndirilməlidir.