Məmmədov Rusiyada azərbaycanlıları soydu

Rusiyanın Sankt-Peterburq şəhərində öz həmvətənlərinə qarşı quldurluq etməkdə təqsirli bilinən Azərbaycan vətəndaşı Mübariz Məmmədov saxlanılıb.

Virtualaz.org saytı Rusiya KİV-lərinə istinadən xəbər verir ki, M.Məmmədov bu cinayəti 2008-ci ilin payızında törətsə də bu günlərdə yaxalanıb.

Cinayət işinin materiallarından belə məlum olur ki, M.Məmmədov 2008-ci ilin oktyabr-noyabr aylarında digər şəxslərlə birlikdə Sofiya meyvə-tərəvəz bazasında anbarda çalışan Azərbaycan vətəndaşlarına qarşı quldurluq əməli törədib. Onlar azərbaycanlıları qarət edərək 2 milyon rubl pul aparıblar. Həmin pul azərbaycanlılardan birinə məxsus olub.

Hazırda M.Məmmədovun həbs edilməsi və ona qarşı rəsmi ittiham irəli sürülməsi məsələləri müzakirə olunur. İstintaqdakı mənbələr bildirib ki, M.Məmmədovla əlbir olan Elvin Əhmədov və Novruz Məmmədov iyulda digər cinayətə görə yaxalanıblar. Onlar yenə də Sofiya bazasındakı azərbaycanlılardan hədə-qorxu ilə pul almaqda suçlu bilinirlər. Bu iki cinayət işi bir icraatda birləşdiriləcək.

Vətəninfo.az