Mən onunla bacı-qardaş deyiləm

Həmid Sultan: “Bilmirlər ki, daha nələr uydurub mənim haqqımda desinlər”

Bir müddət öncə yerli saytlarda tanınmış müğənnilər Səidə Sultanla Həmid Sultanın bacı-qardaş olması, lakin onların bir-birlərinə düşmən kəsildikləri ilə bağlı məlumatlar dərc olundu.

Həmid Sultan veteninfo.az-a bildirib ki, bu məlumat onun nüfuzuna xələl gətirə biləcək xəbərlər sırasındandır: "Bilmirlər ki, daha nələr uydurub mənim haqqımda desinlər. Sadəcə soyadlarımız eyni olduğundan məni Səidə Sultana "qardaş" ediblər. Mənim Səidə xanımla heç bir qohumluğum yoxdur". H.Sultan həmçinin qeyd edib ki, son günlər gündəmi zəbt etdiyindən bəzi düşmənləri tərəfindən hədəfə alınıb: "Haqqımda olmazın məlumatlar yayırlar, məni hansısa məsələlərlə bağlayırlar. Bütün bunlar mənə qarşı qərəzli bir münasibətin nəticəsidir. Bilirəm, bunlar hansı qüvvələr tərəfindən mənə qarşı hazırlanıb. Amma mən onlara cavab vermək, onların səviyyəsinə enmək fikrində deyiləm. Çünki başım yeni layihələrə qarışıb. Bu günlərdə Milli Qəhrəman Mübariz İbrahimova "Azərbaycan əsgəri" adlı mahnı üzərində işimi bitirməliyəm. Yəni mən diqqətimi ancaq faydalı və sənətimə yınəltmişəm. Daha onlar kimi dedi-qoduya, şantaja yox"

Vətəninfo.az