Məşhur kəşfiyyatçı sağdır

"Kəşfiyyatçı tez-tez adını, soyadını və yerini dəyişir”

Türkiyədə, bir çox cinayət əməllərinə görə beynəlxalq axtarışa verilən “Yaşıl” kod adlı məşhur kəşfiyyatçı Mahmud İldırımın yaşadığı ortaya çıxıb.

“Vətəninfo.az” xəbər verir ki, araşdırmalar zamanı məlum olub ki, kəşfiyyatçı “Yaşıl” Bingöl rayonun Solhan qəsəbəsindəki Dincik kənd bələdiyəsinin ərazisində Salih Dərdlioğlu (03.05.1953 doğumlu) adı ilə tanınır.

Lakin polis onu ələ keçirə bilmir. Buna səbəb “Yaşıl”ın tez-tez adını, soyadını və yerini dəyişməsidir.

Qeyd edək ki, “Yaşıl” kod adlı Mahmud İldırım 1990-1994-cü illərdə Türkiyənin şərqində, PKK terror təşkilatı ilə mübarizə məqsədilə yaradılmış jandarma Kəşfiyyat və Terrorla Mübarizə (JİTEM) hərbi bölmündə xidmət edib.

O, bölgədə bir sıra üstü açılmayan cinayətlərdə təqsirkar bilinir.

Rəsmi sənədlərdə isə onun 1994-cü ildə vəfat etdiyi qeyd olunur. 

Oral MƏDƏNÇİ