Məşhur rəqqasə Əminə Dilbazinin 95 yaşı tamam olur

Xalq artistinin yubileyi Respublika İncəsənət Gimnaziyasında da qeyd olunacaq

Dekabrın 26-da xalq artisti, Dövlət mükafatı laureatı, “İstiqlal” ordeninə layiq görülmüş məşhur rəqqasə Əminə Dilbazinin 95 yaşı tamam olur. Respublika İncəsənət Gimnaziyasının xoreoqrafiya şöbəsinin müdiri Tahir Eynullayevin Vətəninfo.az-a verdiyi məlumata görə, yubiley tədbiri bu incəsənət ocağında da qeyd ediləcək. Bununla əlaqədar olaraq gimnaziyada konsert-oçerk tədbiri nəzərdə tutulur. "Həmin gün televiziya efirində də Əminə Dilbazinin ifasında rəqslər nümayiş etdiriləcək, rəqqasənin yaradıcılığına nəzər salınacaq. Yubiley tədbirinə bütün media işçiləri dəvətlidir.
“Tədbirdən sonra isə Əminə Dilbazinin sənətini sevənlər, yaxınları və tələbələri məşhur rəqqasənin xatirəsini uyuduğu “Fəxri xiyaban”da yad edəcəklər", - deyə T.Eynullayev bildirib.

 

Vətəninfo.az