“Ermənistanda demokratik hakimiyyətin qurulması inandırıcı görünmür”

Ermənistanda sosial tələblərlə başlayan və getdikcə siyasiləşən aksiyalar davam edir. Maraqlıdır, bu aksiyaların daha da genişlənməsi Sərkisyan hakimiyyətinin devrilməsinə və daha demokratik bir hakimiyətin bərqərar olmasına səbəb ola bilərmi?

Məsələ ilə bağlı Moderator.az-a açıqlama verən politoloq Qabil Hüseynli Ermənistanda demokratik hakimiyyətin formalaşacağına inanmadığını vurğuladı:

"Erməni toplumu militarist və millətçi təfəkkürə malik bir toplumdur. Bu toplumda demokratik təfəkkürə yer yoxdur. Ermənistanda demokratik bir hakimiyyət və cəmiyyətin formalaşması ən yaxşı halda illər tələb edən uzunmüddətli bir prosesdir. Buna görə də Sərkisyan rejiminin devrilməsi nəticəsində düşmən ölkədə demokratik bir hakimiyyətin yaranmasının mümkünlüyü qənaətini bölüşmürəm”.