“Millətçi Gənclər Məktəbi” yaradıldı

Azərbaycanda bəzi millətçi gənclər bir araya gələrək, “Millətçi Gənclər Məktəbi”ni yaradıblar.

"Vətəninfo.az"ın məlumatına görə, ötən gün Məktəbin ilk toplantısı keçirilib. Toplantıda bir sıra məsələlər müzakirə edilib, gələcək fəaliyyət xətti müəyyənləşdirilib. Həmçinin, "Millətçi Gənclər Məktəbi"nin idarəetmə strukturu formalaşdırılıb. Məktəbin fəaliyyətinə cavabdeh tanınmış türkçü gənclərdən olan Əşrəf Elatlı, onun köməkçiləri isə Tural Bəytürk, Asim Kazımlı və Ruslan Bəy Şükürlü seçilib. 

Qeyd edək ki, Millətçi Gənclər Məktəbinin yaradılmasında əsas məqsəd, millətçi gənclərin fərdi inkişafına dəstək vermək və anti-milli qüvvələrə qarşı millətçi cəbhənin yaradılmasıdır.Məktəbdə hər həftə müxtəlif mövzularda seminarlar keçirəcək.

Könül İbrahim