Mundialın 1/4 final mərhələsi başlayır

Vətəninfo.az  xəbər verir ki, DÇ-2014-ün 1/4 final mərhələsinə bu gün start veriləcək. Axar.az xəbər verir ki, ilk oyunda Fransa-Almaniya milliləri qarşılaşacaq. Qeyd edək ki, Argentinalı Nestor Pitananın hakimliyi ilə keçiriləcək oyunda yarımfinalın ilk komandası bəlli olacaq. Onu da bildirək ki, bu komandalar arasında indiyədək 6 oyun keçirilib. İki dəfə Almaniya, iki dəfə isə Fransa millisi meydandan qalib ayrılıb. İki oyun isə heç-heçə bitib. Məşhur “Marakana” stadionunda baş tutacaq matçın start fiti Bakı vaxtı ilə saat 21:00-da veriləcək.
 
Braziliya-Kolumbiya
 
Gecənin ikinci qarşılaşması əzəli rəqiblər olan iki Cənubi Amerika qitəsinin millisi, Braziliya və Kolumbiya yığmaları arasında olacaq. Maraqlısı budur ki, bu komandalar arasında indiyədək keçirilən beş oyundan dördü heç-heçə bitib. Yalnız bir oyunda Braziliya yığması qalib gələ bilib. Oyunu Karlos Velasko Karballonun başçılığı ilə ispan hakim heyəti idarə edəcək.

“Estadiyo Kastelao” stadionunda baş tutacaq oyuna Bakı vaxtı ilə 01:00-da start veriləcək.
 
Xatırladaq ki, 1/4 finalın qalan iki oyunu sabah keçiriləcək. Əvvəlcə Argentina - Belçika, daha sonra Hollandiya-Kosta-Rika oyunları keçiriləcək.

Vətəninfo.az