Nabranda qızla oğlanın qaçırılması xəbərinə reaksiya - Polisin əməliyyatıdır

Xaçmaz rayon Polis Şöbəsi (RPŞ) bəzi saytlarda bu gecə Nabranda istirahət mərkəzlərindən birindən üç nəfərin 20-yə yaxın şəxs tərəfindən qaçırılması barədə xəbərlərə münasibət bildirib.
Vətəninfo.az APA-ya istinadla xəbər verir ki, həmin hadisədə hər hansı cinayət faktı yoxdur: "Daxili İşlər Nazirliyinin İnsan Alverinə qarşı Mübarizə Baş İdarəsinin əməkdaşları ötən gecə rayon ərazisində insan alverinə qarşı reyd keçirib. Əməliyyat axtarış tədbirləri nəticəsində istirahət mərkəzlərində əxlaqsız yuvası təşkil etməkdə şübhəli bilinən şəxslər saxlanılıb. Bu, polisin əməliyyatıdır və istirahət mərkəzindən kiminsə qaçırılmasından söhbət gedə bilməz. Yayılan məlumatlar kökündən yalandır”.